Teâđ seiddõõzzâst da jeäʹvstõõzzin

Jeäʹvstõõzzi âânnmõš seiddõõzzâst

Tän seeidast kovveet yvtltk.fi-seeid jeäʹvstõõzzi, kõʹllʼjeeʹji seuʹrrjummuž da lokiteâđai ââʹnnemvuõʹjjid. Jeäʹvstõõzz lie uuʹcces kõʹllʼjeei teâttmašinaaʹje ruõkkum teʹkstt-teâttõõzz, kooi veäkka seiddõõzz âânnmõõžž vueiʹtet seuʹrrjed.

Seiddõõzz ij-vieʹltʼteʹmes jeäʹvstõõzzid kõʹllʼjeei vuäitt vaaldšed plaađânj (lä. selaimen) jeäʹvstõsasetõõzzin. Jeäʹvstõõzzi cõggmõš vuäitt vaaikted seiddõõzz ââʹnnemǩiõččlâsttmõʹšše, leâša tõt ij väʹlddvuâkkõõzz mieʹldd vaaikât seiddõõzz toiʹmmjemvuõʹtte. Näkam lie

• kõʹllʼjeeiseuʹrrjummuž jeäʹvstõõzz
  
• kõʹllʼjemäiggsaž jeäʹvstõõzz
  
• ålggvueʹǩǩasetõõzzid kuõskki jeäʹvstõõzz.

Plaađânj išttmõõžž peštt lij ǩidd kõʹllʼjeei ââʹnnem neʹttplaađânj toiʹmmjummšest. Išttmõšmeâldlaž jeäʹvstõõzzid jaukkeet plaađânj leʹbe ikkân ǩidd piijjmõõžž õhttvuõđâst.

Seiddõõzzâst jie leäkku kuälmad vueʹsspeäʹl jeäʹvstõõzz.

Kõʹllʼjeeiseuʹrrjummuž jeäʹvstõõzz

Seiddõõzz kõʹllʼjeeiseuʹrrjummuš nåårr seiddõõzz ââʹnnmest almmjallaš statistikkteâđaid, koid ââʹnet seiddõõzz ooudâs viikkmõʹšše da tääʹssvuåppmõʹšše. Täk teâđ lie ouddmiârkkân laddum seeid, ââʹnnemäiʹǧǧ di neʹttplaađânj da ââʹnnemriâšldõk. Kõʹllʼjeei IP-addrõõzz jeät norru statistikâʹsttemââʹnnma. Kõʹllʼjeeiseuʹrrjummuš vuâđđââvv sättõknallšem naaʹlin uvddum nââmar- da lååkkraiddu, kååʹtt ij leäkku õhtteemnalla ooumže. Kõʹllʼjeeiteâđai vuâđald jeät tuejjuku kõʹllʼjeeipälggsid.

Kõʹllʼjeeiseuʹrrjummuš da jeäʹvstõõzzi âânnmõš seiddõõzzsteen lij tuejjuum õõutveäkka Vuõiggâdvuõttrekisterkõõskõõzzin da kääzzkõstååimteei Abako Oy:in.

Yvtltk.fi-seeidast ââʹnet õlmstâʹttemriâšldõõǥǥ (Sigma) jiijjâs kõʹllʼjeeiseuʹrrjummuž. Kõʹllʼjeeiseuʹrrjummuš peejj kõʹllʼjeei plaađnja täid jeäʹvstõõzzid:

• Neta-älggsaž jeäʹvstõs: Jeäʹvstõõzz ââʹnet jeärtõõllâd kõʹllʼjeeʹjid. Jeäʹvstõs lij viõǥǥâst, sa tõn jaukkeet.
  
• StatoSession: Siiskõsõlmstâʹttemriâšldõõǥǥ jeäʹvstõs, koon ââʹnet tuõʹllʼjed teâđ kõʹllʼjeei išttmõõžžâst. Jeäʹvstõs lij viõǥǥâst kõʹllʼjummuž ääiʹj leʹbe tõt jäukk, ko plaađânj piijât ǩidd.

Vuäitak uʹvdded lååʹv leʹbe cõggâd kõʹllʼjeeiseuʹrrjummuž jeäʹvstõõzzid plaađânj jeäʹvstõsasetõõzzin. Jõs cõõggak jeäʹvstõõzzid, kõʹllʼjeeiseuʹrrjummuš ruâkk tåʹlǩ kõʹllʼjemäiggsaž teâđaid, da jeäʹvstõõzz jäuʹǩǩe, ko tuu kõʹllʼjummuš poott.

Kõʹllʼjeeiseuʹrrjummuž teâđaid ruõkkât serveeʹri ool, kook lie Riikk teâtt- da saaǥǥtemteknikk-kõõskõs Valtoor mašinakueʹrncest. Seuʹrrjummuž teâđaid jeät uvddu kuälmad vueʹsspieʹlid ij-ǥa tõin leäkku vueiʹttemvuõtt äuʹǩǩeed kõʹllʼjeeiseuʹrrjummuž vuâđald norrum teâđaid. Statistikkteâđaid vueiʹtet uʹvdded vuõiggâdvuõttvaaldâšm siisklaž ââʹnnma kääzzkõõzzi ooudâs viikkmõõžž vääras leʹbe äuʹǩǩeed ouddmiârkkân teâđtummšest.

Seiddõõzz da teâttjååttlõõǥǥ teeknlaž lokiteâđ

Yvtltk.fi-seiddõõzz teâttjååttlõkõhttvuõđin da ââʹnnmest noorât teeknlaž lokiteâđaid, koid taarbšet saaǥǥtummuž vääʹltem diõtt, kääzzkõõzz čõõđ viikkâm diõtt di teâttstaanâst huõl ââʹnnem diõtt. Lokiteâđain lie teâđ, koid lij vueiʹtlvaž õhtteed ooumže, mâʹte IP-addrõs da äiʹǧǧštemppal. Täid lokiteâđaid ââʹnet tåʹlǩ kääzzkõõzz vueiʹtlvâʹsttem diõtt teâttjååttlõkneeʹttest di vââʹǩǩvuõʹjji da teâttstaančårstõõǥǥi seʹlvtem diõtt.

Lokiteâđai vueʹzzeld persoonteâđai ǩiõttʼtõõllmest vaʹstteei rekisterõõʹnnʼjen tåimm ooudpeäʹlnn peäggtum veʹrǧǧneǩ jiijjâs vueʹzzeld. Lokiteâđai teeknlaž vaaldšummšest vaʹsttad Vuõiggâdvuõttrekisterkõõskõs.

Âânnmõõžž da ouddmõõžž di lääǥǥlažvuõđ vuåppmõõžž vääras norrum lokiteâđaid seeiltet vitt eeʹjj.

Digitaalʼlaž kääzzkõõzzi taʹrjjummšest uvddum lääʹǩǩ ooudald, što veʹrǧǧneeʹǩǩ âʹnne huõl teâttsuejast da teâttstaanâst digitaalʼlaž kääzzkõõzzi õhttvuõđâst. Teâttsuejjasetõs ooudald persoonteâđai suejjummuž.

Vuäʹppõõzz jeäʹvstõõzzi vaaldšummša

Jäänmõsân õnnum plaađnji da suåvldõõzzi vuäʹppõõzzid jeäʹvstõõzzi vaaldšummša kaaunak täin seeidain:

• Google Chrome
• Microsoft Edge
• Safari
• Internet Explorer

Vuäitak še ââʹnned seiddõõzz privatt plaađânjvueʹjjest (lä. yksityisessä selaintilassa), da teʹl plaađânj ij ruõkk tuu plaađđâmhistoria, jeäʹvstõõzzid, seiddõsteâđaid ni lomaakkid uvddum teâđaid. Ǩiõčč tääʹrǩben ouddmiârkkân Chrome vuäʹppõõzzid incognito-vueʹjj ââʹnnmest leʹbe Mozilla Firefox vuäʹppõõzzid privatt plaađđmõõžž (lä. yksityisen selauksen) ââʹnnmest.

Jeäʹvstõõzzi cõggmõš da jaukkummuš

Teâttmašina plaađnjivuiʹm

• Chrome
  
• Firefox
• Microsoft Edge
  
• Opera
• Safari
• Internet Explorer

Mobiilaparaatti plaađnjivuiʹm

• Android (Chrome)
• Apple iOS (Safari)‍

Äʹššǩeʹrjjõõlmâsvuõttkovvõs – Õõutverddsažvuõtt- da tääʹssärvvluʹvddkåʹdd

Äʹššǩeʹrjjõõlmâsvuõttkovvõõzz miârktõs

Tät lij õõlmâsvuâđđjurddi teâuddjummuž diõtt kovvõs õõutverddsažvuõtt- da tääʹssärvvluʹvddkååʹdd vaaldšummšin teâttreeʹǧǧesvuõđin da äʹššrekisteeʹrest teâđvaaldšemlääʹjj (906/2019) 28 § meâldlânji. Äʹššǩeʹrjj-õõlmâsvuõttkovvõõzz miârktõssân lij viẹʹǩǩted meerla tillʼlõõvvâd teâttraukkmõõžžâs. Õõlmâsvuõttlääʹjj mieʹldd teâttraukkmõõžž veʹrǧǧneeʹǩǩ äʹššǩeeʹrj siiskõõzzâst âlgg õhttlõõvvâd dovoʹlna nuʹt, što veʹrǧǧneǩ vuäitt čiõlǥeed, mõõn äʹššǩeeʹrj raukkmõš kuâskk (Lääʹǩǩ veʹrǧǧneeʹǩǩ tåimmʼmõõžž õõlmâsvuõđâst (621/1999), 13 §). Veʹrǧǧneeʹǩǩ õõlǥtemvuõtt lij vieʹǩǩted teâđ raukki äʹššǩeeʹrj indentifiâsttmõõžž.

Äʹššǩeʹrjjõõlmâsvuõttkovvõs õudd takaikaart õõutverddsažvuõtt- da tääʹssärvvluʹvddkååʹdd teâđvaaldšmest. Pieʹǩǩ õõutverddsažvuõtt- da tääʹssärvvluʹvddkååʹdd teâđain vueiʹtte leeʹd peittastââʹnnem teâđ õõlmâsvuõttlääʹjj nuäjja.

Õõutverddsažvuõtt- da tääʹssärvvluʹvddkååʹdd âânnmõõžžâst åårrai teâttriâžldõõǥǥ

Õõutverddsažvuõtt- da tääʹssärvvluʹvddkååʹdd âânnmõõžžâst lij ääʹššvaaldšemdiaar (IBM Notes YVTLTK ääʹššvaaldšem diaar). Diaarâst seuʹrrjet da ǩeeʹrjtõõvât aalǥtemnalla puõʹtti aaʹšši ǩiõttʼtõõllmõõžž. Diaaʹre jeät ruõkk äʹššǩiiʹrjid. Diaarâst vuäitt ooccâd teâđaid ouddmiârkkân diaarnââmrin leʹbe sääʹnnooccmin. Še statistiikki ooccmõš ouddmiârkkân eeʹǩǩtääʹzzest leʹbe äʹššǩeʹrjjšlaaji mieʹldd lij vueiʹtlvaž.

Diaarâst liâ puõʹtti teâttaunnâz:

• õhttvuõđvaʹlddi nõmm
  
• õhttvuõđteâđ (addrõs, neʹttpååʹštaddrõs, lokku vääʹldǩani staanǩiõlddi vuâllsaž teâđaid)
  
• õhttvuõđvälddmõõžž šlaajj (ooccmõš, ciâlkâlmraukkmõš, teâđstõõllmõš dno.)
  
• vueiʹtlvaž äʹššooumaž
  
• diaarnââmar
  
• peiʹvvmeäʹri mieʹldd teâtt tuejjuum kõskktååimin, diǥu puättam ooccmõõžžâst, õhttvuõđvälddmõõžžâst, vasttõõzzâst, äʹššǩeʹrjjraukkmõõžžâst, ciâlkâlmraukkmõõžžâst, vuõiǥeemraukkmõõžžâst dno.
  
• äšša õhttneei čårstemvuâđđ
• ääʹšš loopptummuš luʹvddkååʹddest

Äʹššvaaldšem diaar teâđ da jeeʹres äʹššǩeeʹrj seeiltet vuåppum piâssâmvaaldšmin neävvum interneʹttpirrõõzzin di tåimmsõõʹjin.

Õõutverddsažvuõtt- da tääʹssärvvluʹvddkåʹdd âânn še interneʹttvuâđain åårrai maappid, koin seeiltet jeeʹresnallšeeʹm taullõõǥǥid seuʹrrjem diõtt tuejjuum kõskktååimid, čårstemvuâđaid, mieʹrraaiʹjid da meäʹrruum vaarrsääkkaid. Lââʹssen interneʹttvuâđain seeiltet ouddmiârkkân vaaldšemvuõđlaž aaʹššid, tuʹmmstõõǥǥid, luʹvddkååʹdd vuõltteem čiõlǥtemraukkmõõžžid, påʹrddǩiiʹrjid da jeeʹres vaʹstteei teâđaid.

Lââʹssen õõutverddsažvuõtt- da tääʹssärvvluʹvddkåʹdd äuʹǩǩad riikkvaaldšem tällõs- da tuâjjlažkååʹddvaaldšem teâttriâžldõõǥǥid, mâta M2, Kieku da Handi.

Ni mõõk õõutverddsažvuõtt- da tääʹssärvvluʹvddkååʹdd teâttaunnstõõzz jeäʹla vuäǯǯamnalla äävânji teknla raajjooʹle veäkka. Piâssmõš teâđâid lij tåʹlǩ luʹvddkååʹdd tuâjjlažkååʹddest jeeʹrab miõttmin ââʹnnemvuõiggâdvuõđin.

Teâttraukkmõõžži tååimtummuš:

Teâttraukkmõõžžid vuäitt tååimted pååʹštin, neʹttpååʹštin leʹbe teʹlfoonin.

Õhttvuõđteâđ:

Yhdenvertaisuus- ja tasa-arvolautakunta
PL 27, 00023 VALTIONEUVOSTO
[email protected]
teʹl. 0295 150 121

Teâttraukkmõõžžid vasttõõzz ouddmõš

Teâtt õõlmâs äʹššǩeeʹrjest uuʹdet vueiʹtlva sõrgg, mââimõõzzâst kueiʹt neäʹttel ǩeeʹjjest teâttraukkmõõžž tuejjummšest. Jõs ääʹšš ǩiõttʼtõõllmõš da čååudõs õõlǥte spesiaaltååimid leʹbe takainallšem šuurab tuâjjmeäʹr, teâtt õõlmâs äʹššǩeeʹrjest uuʹdet leʹbe äʹšš čååuʹdet mââimõõzzâst määnpââʹj määʹttest teâttraukkmõõžž tuejjummšest (õõlmâsvuõttlääʹjj 14 § 4 momeʹntt).