Diehtosuodječilgehus
DIEHTOSUODJEČILGEHUS, EU:a almmolaš diehtosuodjeásahus (2016/679) 12-14 artihkkalat
1. Registtardoalli
Ovttaveardásašvuođa- ja dásseárvolávdegoddi
PL 27
00023 Valtioneuvosto
Tel.0295 150 121
2. Oktavuođaolmmoš
Juhani Kortteinen
Váldočálli
Tel.0295 150 151
3. Diehtosuodjevástideaddji
Juhani Kortteinen
Váldočálli
Tel.0295 150 151
4. Gieđahallandoaimmaid oppalašvuohta
Ovttaveardásašvuođa- ja dásseárvolávdegotti bargovehkii ja lahtuide gulakeahtes olbmuid persondieđuid gieđahallan
5. Persondieđuid gieđahallama dárkkuhus ja riekteágga
Persondieđuid gieđahallama dárkkuhus lea ovttaveardásašvuođa- ja dásseárvolávdegottis gieđahallamis lean ja leamašan áššiid girjen, čuovvun ja gieđahallan.
Persondieđuid gieđahallan lea dárbbašlašovttaveardásašvuođa- ja dásseárvolávdegotti lágasásahuvvon geatnegasvuođa čuovvumii. Lávdegotti lágasásahuvvon geatnegasvuođat bohtet ovdan Suoma vuođđolágas (731/1999), ovttaveardásašvuođaplána (1325/2014), lágas nisson- ja almmáiolbmuid gaskasaš dásseárvvus (609/1986), lágas ovttaveardásašvuođa- ja dásseárvolávdegottis (1327/2014), hálddahuslágas (434/2003), lágas gearregiin hálddahusáššiin (808/2019), gearregastingeavllis (4/1734) giellalágas (423/2003), diehtosuojis (1050/2018) ja lágas almmolaš hálddahusa dieđuhálddašeamis (906/2019).
Dieđuid almmolašvuohta ja suollemassandoallan mearriduvvojit čuovvovaš njuolggadusaid mielde:
Láhkavirgeoapmahaččaid doaimma almmolašvuođas (621/1999) EU:a almmolaš diehtosuodjeásahus (EU) 2016/679 Persondiehtoláhka (523/1999)
6. Registrerejuvvon olbmuid joavkkut ja gieđahallama vuollásaš persondiehtojoavkkut
Ovdalis máinnašuvvon olbmuin čogget dušše ášši gieđahallama várás dárbbašlaš dieđuid, mat sáhttet leat:
- namma
- riegádanáigi dahje persondovddaldat/y-dovddaldat
- ruovttugielda
- poastačujuhus
- šleađgapoastačujuhus
- álbmotdiehtovuogádagas ja Álbmotregisttarguovddáža sihkkarastinbálvalusas addojuvvon lága (661/2009) 36 §:s oaivvilduvvon dorvogielddus
- diehtu ovttaveardásašvuođalága 8 §:a 1 momeanttas oaivvilduvvon olgguštanákkas, mat sáhttet leat ahki, duogáš, riikkavulošvuohta, giella, oskkoldat, doaladupmi, oaivil, politihkalaš doaibma, fágasearvedoaibma, bearašgaskavuođat, dearvvašvuođadilli, lámisvuohta, seksuála doaladupmi dahje eará olbmui gullevaš sivva
7. Jeavddalaš diehtogáldut
Persondieđuid oažžut váldoáššis registrerejuvvon olbmos alddis. Lassin persondieđuid sáhttá oažžut eará áššáiosolaččain, cealkámuša bivdiin, Álbmotregisttarguovddážis (ÁDVjearahallan) ja eará beliin.
Ovttaveardásašvuođa- ja dásseárvolávdegottis addojuvvon lága 14 §:a 1 momeantta mielde lávdegottis lea riekti suollemassandoallannjuolggadusaid easttekeahttá oažžut virgeoapmahaččas ja eará almmolaš hálddahusdoaimma dikšon bealis, bargoaddis, skuvlejumi ordnejeaddjis ja oahppolágádusas, bargomárkanorganisašuvnnas dahje fágalaš ovdogohcima hárjehan eará organisašuvnnas sihke dávviriid dahje bálvalusaid fállis nuvttá dán hálddus lean, lávdegotti gieđahallamis lean ášši čoavdimii vealtameahttun dieđut. Paragráfa 2 momeantta mielde lávdegottis lea riekti oažžut virgeoapmahaččas ja eará almmolaš hálddahusdoaimma dikšon, bargoaddis, skuvlejumi ordnejeaddjis ja oahppolágádusas, bargomárkanorganisašuvnnas dahje fágalaš ovdogohcima hárjehan eará organisašuvnnas sihke dávviriid dahje bálvalusaid fállis ja daid bálvalusas lean bealis čilgehusa áššiin, mat leat dárbbašlaččat ovttaveardásašvuođa- ja dásseárvolága čuovvuma bearráigehččui.
8. Persondieđuid vuostáiváldit dahje vuostáiváldiid joavkkut
Dieđuid sáhttá luohpadit dahje addit gieđahallot olggobealde dušše fámus lean láhkaásaheami geatnegahttán dahje suovvan rájáid siste.
Ovttaveardásašvuođa- ja dásseárvolávdegotti doibmii heivehuvvo virgeoapmahačča doaimma almmolašvuođas addojuvvon láhka (621/1999, JulkL). Almmolaš áššegirjjit luohpaduvvojit bivddedettiin JulkL:a 13 § ja 16 §:n gáibádusaid mielde. Suollemasas dollojuvvon dieđut addojuvvojit ja luohpaduvvojit dušše 1) áššáigullevačča miehtamiin, 2) áššáigullevažžii dahje 3) láhkii vuođđuduvvan rievtti vuođul.
Dorvogildosa čuozáhahkan lean dieđuid vuhtii válddekeahttá persondieđut luohpaduvvojit jeavddalaččat ovttaveardásašvuođa- ja dásseárvolávdegotti gieđahallan áššiin áššáigullevaččaide sihke sin ovddasteaddjiide ja áššeolbmuide. Lassin lávdegoddi sáhttá bivdit gieđahallamis lean áššis ovttaveardásašvuođa- ja dásseárvolávdegottis addojuvvon lága 14 §:a 1 ja 2 momeanttas oaivvilduvvon dieđuid ja čielggadusaid maiddái earáin go ášši áššáigullevaččain. Dálle sáhttá leat dárbbašlaš addit oassebeallái, geas dieđut bivdojuvvojit,
áššáigullevaččaid guoskevaš persondieđuid.
Ovttaveardásašvuođa- ja dásseárvolávdegotti dieđuidgieđahallanvuogádaga doaibmamis vástidan váldogeavaheaddjái (Stáhta diehto- ja gulahallanteknihkkaguovddáš, Valtori) sáhttá spiehkastagas leat vealtameahttun addit oanehis áigge geavahanfápmudusaid, sierra sohppojuvvon doaimma dikšuma várás, beassat lávdegotti anus lean skearrostašuvnnaide (H- ja J-stašuvnnat)
Persondieđuid gieđahallan ii leat addon mange olggobeale doaibmii.
9. Persondieđuid sirdin goalmmát riikkaide
Persondieđuid sirdimis goalmmát riikkaide heivehat diehtosuodjeásahusa V logu njuolggadusaid. Dakkáraš persondieđuid sirdin, maid gieđahallat dahje maid lea áigumuš gieđahallat goalmmát riikii dahje riikkaidgaskasaš organisašuvdnii sirdima maŋŋá, ollašuhtto dušše, jus registtardoallu ja persondieđuid gieđahalli čuvvot gažaldatvuloš logus nannejuvvon gáibádusaid ja jus ásahusa eará njuolggadusain ii čuovo eará.
10. Persondieđuid seailluhanáiggit
Persondieđuid seailluhanáiggit meroštallojuvvojit ovttaveardásašvuođa- ja dásseárvolávdegotti arkiivadáhkanplánas. Mearreáiggi maŋŋá áššegirjjit jávkaduvvojit arkiivadahkanplána mielde.
11. Profileren
Persondieđuid gieđahallamis ii ávkkástallo profilerema.
12. Registrerejuvvon olbmo vuoigatvuođat
Registrerejuvvon olbmos lea riekti oažžut registtardoallis nannema, ahte su guoskevaš persondieđut gieđahallojit dahje ahte daid eai gieđahala, ja jus dáid persondieđuid gieđahallet, lea riekti oažžut beassama persondieđuide. Jus dieđut gieđahallojit, registrerejuvvon olbmos lea riekti oažžut čuovvovaš, EU:a almmolaš diehtosuodjeásahusa 15 artihkkalis máinnašuvvon dieđuid:
- persondieđuid gieđahallama dárkkuhus
- jearaldagas lean persondiehtojoavkkut
- vuostáiváldit ja vuostáiváldijoavkkut, eandalii goalmmát riikkain leat vuostáiváldit dahje riikkaidgaskasaš organisašuvnnat, maidda persondieđut leat luohpaduvvon dahje lea ulbmil luohpadit
- vejolašvuođaid mielde persondieđuid plánejuvvon seailluhanáigi dahje jus dat ii leat vejolaš, dán áiggi meroštallankritearat
- registrerejuvvon olbmos lea riekti bivdit registtardoallis su iežas guoskevaš persondieđuid vuigema dahje jávkadeami dahjege persondieđuid gieđahallama ráddjema dahje vuostálastit dákkár meannudeami
- riekti dahkat váidaga bearráigeahččovirgeoapmahažžii
- jus persondieđut eai čohkkejuvvo registrerejuvvon olbmos, buot dieđuid álgovuođus ávkkástallamis lean dieđut
- automáhtalaš mearrádusdahkama, earret eará ásahusa 22 artihkkala 1 ja 4 čuoggáin oaivvilduvvon profilerema leahkin, sihke ainjuo dáid dáhpáhusain mearkkašahtti dieđut gieđahallama logihkas seammá go gažaldatvuloš gieđahallama fuopmášahttivuohta ja vejolaš čuovvumušat registrerejuvvon olbmui.
Dat, guhte háliida EU:a almmolaš diehtosuodjeásahusa 15 artihkkalis máinnašuvvon iežas guoskevaš dieđuid, galgá dahkat das bivdaga registtardoallái nu, ahte registrerejuvvon olbmo personvuođa sáhttá identifiseret. Registrerejuvvon olbmos lea riekti gáibidit, ahte registtardoalli vuige almmá dárbbašmeahttun ádjáneami registara guoskevaš eahpedárkilis ja feaillalaš persondieđuid.
Lassin registrerejuvvon olbmos lea riekti oažžut registtardoalli jávkadit registrerejuvvon olbmo guoskevaš persondieđuid almmá dárbbašmeahttun ájiheami, gáibidettiin goittotge, ahte muhtun EU:a almmolaš diehtosuodjeásahusa 17 artihkkalis lean gáibádusain ollašuvvá. Registrerejuvvon olbmos lea maiddái riekti dasa, ahte registtardoalli ráddje gieđahallama, jus lea sáhka muhtun EU:a almmolaš diehtosuodjeásahusa 18 máinnašuvvon áššiin.
Registrerejuvvon olmmoš bidjat johtui vuigema, jávkadeami dahje ráddjema guoskevaš gáibádusa hálddahuslága (434/2003) ášši álggahannjuolggadusaid mielde.
13. Riekti dahkat váidaga váiddavirgeoapmahažžii
Registrerejuvvon olbmos lea riekti dahkat váidaga bearráigeahččovirgeoapmahažžii (diehtosuodjeáittardeaddji), jus son gávnnaha, ahte su guoskevaš persondieđuid gieđahallamis rihkkot EU:a almmolaš diehtosuodjeásahusa.
Bearráigeahččovirgeoapmahačča oktavuođadieđut:
Diehtosuodjeáittardeaddji doaimmahat
Galledančujuhus: Lintulahdenkuja 4, 00530 Helsset
Poastačujuhus: PL 800, 00531 Helsset
Telefonguovddáš: 029 56 66700
Šleađgapoasta (Registrerenkantuvra): [email protected]
Julkaistu 11.6.2025